Paris - Udhëheqësi i Tubimit Kombëtar, partisë së ekstremit të djathtë të Francës (RN), Jordan Bardella, u bëri thirrje votuesve të martën që t'i japin partisë së tij një shumicë absolute në zgjedhjet e ardhshme parlamentare, në mënyrë që ajo të jetë në gjendje të qeverisë në mënyrë efektive.

Partia euroskeptike e Bardella-s, kundër imigracionit, ka shansin e parë real për të fituar pushtetin kombëtar në votimin e 30 qershorit dhe 7 korrikut. Sondazhet e opinionit e kanë vendosur vazhdimisht RN-në të parën që nga vendimi tronditës i Presidentit Emmanuel Macron këtë muaj për të shpërndarë parlamentin.

Por anketuesit që kanë tentuar ushtrimin e ndërlikuar për të bërë një parashikim të raundit të dytë për 577 zonat elektorale të Francës, shohin se Tubimi Kombëtar nuk arrin të sigurojë shumicën absolute që do të garantonte aftësinë e saj për të miratuar ligje pa aleatë.

"Unë nuk do t'i shes reforma, francezëve, që nuk mund t'i kryej. Unë po u them atyre se për të vepruar, më duhet një shumicë absolute," tha Bardella për CNeës TV.

Ai kishte të njëjtin mesazh për gazetën Le Parisien, duke u bërë thirrje votuesve që të shkojnë pas tij dhe Marine Le Pen, ish-udhëheqëses së Tubimit Kombëtar dhe kandidates  në zgjedhjet e ardhshme presidenciale të Francës që do të mbahen në 2027.

"Për të qeverisur, më duhet një shumicë absolute," tha ai, duke lënë të kuptohet se Tubimi Kombëtar mund të refuzojë çdo propozim për të formuar një qeveri nëse nuk arrin pragun e 289 vendeve së bashku me aleatët e ngushtë.

"Kush mund të besojë se ne do të mund të ndryshonim jetën e përditshme të francezëve duke bashkëjetuar me një shumicë relative? Askush. Unë u them francezëve: për të na provuar, na duhet një shumicë absolute."

Bardella, 28 vjeç, ka zbutur disa nga premtimet e partisë së tij mes shqetësimeve të investitorëve për ndikimin e tyre në financat publike, duke thënë se një qeveri e Tubimit Kombëtar nuk do ta ulë menjëherë TVSH-në në një listë me 100 mallra thelbësore.

Plane të kushtueshme

Por në komentet e tij për Le Parisien ai konfirmoi gjithashtu planet e kushtueshme për të ulur shpejt TVSH-në për benzinën, karburantin për ngrohje, energjinë elektrike dhe gazin në 5.5% nga 20%, duke thënë se ai donte që kjo të ishte lëvizja e tij e parë si kryeministër.

"Nëse e drejtoj vendin pa një shumicë absolute, nuk do të jem në gjendje të ulim TVSH-në për karburantin dhe gazin... Unë nuk do të jem në gjendje të pakësoj në mënyrë drastike emigracionin," tha ai për Le Parisien.

Tubimi Kombëtar ende nuk i ka detajuar politikat e saj ekonomike, por Bardella tha se disa nga planet e tij do të financohen nga heqja e lehtësirave tatimore.

Gjigandi francez i transportit CMA CGM u bë kompania më fitimprurëse e Francës në vitin 2022, duke tejkaluar kompanitë si TotalEnergies dhe gjigantin luksoz LVMH, pasi një bum post-COVID në transport e rriti fitimin e saj vjetor neto në afro 25 miliardë dollarë.

CMA CGM, e drejtuar nga Rodolphe Saade dhe në pronësi të familjes së tij, përdori të ardhurat e saj për një mori blerjesh në logjistikë, terminale portuale dhe media franceze, duke përfshirë një marrëveshje për blerjen e kanalit të lajmeve BFM TV.

CMA CGM nuk pranoi të komentonte kur u pyet për komentet e Bardella.