Sipas ekspertëve, fushata e udhëhequr nga SHBA-ja kundër rebelëve Huthi të mbështetur nga Irani është kthyer në betejën më intensive detare me të cilën është përballur marina që nga Lufta e Dytë Botërore.

Ushtria e Shteteve të Bashkuara ka lëshuar një valë sulmesh që synojnë vendet e radarëve të operuara nga rebelët Huthi të Jemenit në hakmarrje ndaj një serie sulmesh raketore në Detin Arabik dhe të Kuq.

Komanda Qendrore e ushtrisë amerikane tha se ata shkatërruan shtatë vende të radarëve.

"Këta radarë i lejojnë Huthitë vinin në shënjestër, anijet detare dhe të rrezikonin anijet tregtare," tha Komanda Qendrore në një deklaratë.

Nuk dihet ende nëse ka ndonjë të vrarë apo të plagosur në operacion.

Rebelët Huthi pretendojnë se sulmet e tyre janë kundërpërgjigje e luftës midis Izraelit dhe Hamasit në Rripin e Gazës, megjithatë sulmet e rebelëve të mbështetur nga Irani shpesh shohin se anijet Huthi nuk kanë lidhje me luftën.

Të premten dhjetëra mijëra jemenas mbajtën protesta kundër Izraelit dhe luftës së tij në Gaza.

Sulmet kanë përgjysmuar trafikun në një korridor detar që është vendimtar për dërgesat e mallrave dhe energjisë midis Azisë, Evropës dhe Lindjes së Mesme.

Këtë javë, dy raketa lundrimi të lëshuara nga rebelët Huthi i vunë flakën një transportuesi të mallrave me shumicë në Gjirin e Adenit.

Sulmi goditi transportuesin e ngarkesave me shumicë në pronësi ukrainase dhe polake, M/V Verbena dhe plagosi rëndë një marinar civil.

Ndërkohë, Komanda Qendrore tha se një marinar nga transportuesi i ngarkesave me shumicë me flamur liberian, në pronësi greke, Tutor, u zhduk pas një sulmi të mërkurën nga Hothitë.