Rezidenca e kryeministrit libian Abdul Hamid Dbeibeh u godit nga një predhë dhe askush nuk u lëndua nga sulmi, raporton Reuters.

Një ministër libian i paidentifikuar konfirmoi se sulmi shkaktoi dëme të vogla në rezidencën e kryeministrit në një pjesë luksoze të Tripolit, por nuk dha detaje.

Forca të forta sigurie u vendosën në zonë menjëherë pas shpërthimit.

Ka dy qeveri në Libi që nuk e njohin njëra-tjetrën.

Qeveria e unitetit kombëtar u formua në vitin 2021 me mbështetjen e Kombeve të Bashkuara, ajo drejtohet nga Abdul Hamid Dbeibeh dhe selia e saj është në Tripoli, ndërsa qeveria tjetër ndodhet në Bengazi.

Në fillim të marsit të këtij viti, liderët e Libisë ranë dakord për nevojën për të formuar një qeveri uniteti për të mbikëqyrur zgjedhjet e mëvonshme, por Dbeibeh refuzoi të dorëzonte pushtetin pa mbajtur zgjedhje të përgjithshme.