Këshilli i Sigurisë Kombetare të shtetit izraelit ka lëshuar alarm dhe ngritur nivelin e vigjilencës në 80 vende për shtetasit izraelitë.

“Që nga fillimi i luftës, ne kemi identifikuar përpjekje të shtuara nga Irani dhe përfaqësuesit e tij, duke përfshirë fraksionet e Hamasit dhe Xhihadit Global, për të dëmtuar objektivat izraelitë dhe hebrenj në mbarë botën,” tha Këshilli i Sigurisë Izraelite në një deklaratë per mediat.

“Në të njëjtën kohë, ka një rritje të vazhdueshme dhe të konsiderueshme të nxitjeve, tentativave për sulme dhe manifestimeve të antisemitizmit në shumë vende,” thotë deklarata.

“Ne nuk mund të themi mos shko, ajo që mund të themi është se izraelitët duhet ta mendojnë se ku shkojnë,” tha një zyrtar i NSC.
Ekziston një nivel i paprecedentë i dhunës së mundshme qoftë për shkak të tentativave terroriste ose rritjes së antisemitizmit dhe ata që udhëtojnë duhet ta marrin parasysh këtë, tha zyrtari.

Mbi 80% e paralajmërimeve të reja të kërcënimit pasqyruan një rritje fillestare të rrezikut në vendet e Nivelit 1, ku “këshillohen masat paraprake bazë, në nivelin 2, ku udhëtarët duhet të marrin “masa të shtuara paraprake”.
Vendet e mëdha perëndimore jane klasifikuar si shqetesuese: Mbretëria e Bashkuar dhe Australia ishin në atë listë, si dhe 17 vende në kontinentin evropian si Gjermania, Franca, Suedia dhe Holanda.

Vendet ku ekzistonte një kërcënim më serioz si Afrika e Jugut, Eritrea, Uzbekistani, Kazakistani, Kirgistani dhe Turkmenistani janë ngritur në një kërcënim të Nivelit 3, i cili rekomandon marrjen në konsideratë vetëm të udhëtimeve thelbësore. Regjimi i Izraelit ka futur edhe Shqiperine ne listen e vendeve me kercenim te Nivelit 3 nga vende te Nivelit 1. Ata u kane kërkuar qytetarëve të tyre qe te shtyjne per nje kohe tjeter udhetimin për ne vendet e Lindjes së Mesme, si dhe ato që kufizohen me Iranin dhe disa vende myslimane në Azi.

Izraelitët duhet të “qëndrojnë larg demonstratave dhe protestave”, thuhet ne njoftim. Udhëtarët duhet gjithashtu të kontrollojnë ngjarjet aktuale në vendin e tyre të destinacionit për të parë nëse ka aktivitet anti-izraelit ose anti-hebre, edhe për vendet që konsiderohen kryesisht të sigurta. Pasi të dalin nga vendi, udhëtarët duhet “të shmangin ekspozimin e simboleve izraelite dhe çifute, dhe tubime të mëdha të zyrtarëve izraelitë dhe çifutë”.

Qyetaret izraelite që udhëtojnë jashte vendit duhet të mbajnë me vete informacionin e kontaktit të ambasadës ose konsullatës, si dhe shërbimet e urgjencës, thuhet ne njoftimin zyrtar te Ministrise se Jashtme.