"Situata është vërtet dramatike," tha një zyrtar lokal në Sardenjë. “Nuk është një luftë e drejtë”.

Më shumë se 50 zjarre janë në shpërthim në ishullin mesdhetar të Sardenjës, me erëra të forta që i  ndezin flakët dhe po i ndërlikojnë përpjekjet për të mbajtur zjarrin nën kontroll - e njëjta situatë me të cilën u përball Portugalia të shtunën e kaluar.

Mbi 1,100 zjarrfikës dhe 14 avionë ujëmbajtës luftuan me një zjarr që kishte shpërthyer në zonën Castelo Branco në Portugalinë qendrore të premten, ndërsa autoritetet vendore paralajmëruan se kushtet e nxehtësisë dhe erës mund të shkaktojnë flakë. Rreth 100 persona që jetonin në zonë u evakuuan si masë paraprake.

Në Sardenjë, rreth 600 njerëz u evakuuan nga qytetet dhe qytezat në bregun lindor të ishullit, duke përfshirë banorët e Posada ku një zjarr filloi të dielën.

Edhe turistëve që qëndronin në vendet e kampingut, resortet luksoze, hotelet dhe restorantet aty pranë u është kërkuar të largohen.

Një grua rreth të 70-tave u plagos pasi vendosi të qëndronte brenda shtëpisë së saj në qytetin e Bolotana, pavarësisht zjarreve të furishme. Ajo u shpëtua nga shërbimet e urgjencës të hënën.

Gjashtë ekipe zjarrfikësësh, përfshirë 30 oficerë dhe 12 automjete, janë vendosur në rajon, ndërsa disa avionë Canadair hodhën ujë mbi zjarret të dielën – por  pa rezultat, pa dobi.

#Sardegna, prosegue il lavoro dei #vigilidelfuoco per fronteggiare gli #incendi di vegetazione: nella notte fatti 60 interventi tra #Nuoro (video) e #Cagliari. Squadre e 3 #Canadair in azione a Gairo, Posada (NU) e a San Giovanni Suergiu (SU) [#7agosto 9:15] pic.twitter.com/RFWd9X0vGB

— Vigili del Fuoco (@vigilidelfuoco) August 7, 2023