Rusia tani po kontrollon rreth 20% të territorit të Ukrainës - kjo është shumë më tepër sesa Belgjika, Luksemburgu dhe Holanda së bashku, tha Presidenti Volodymyr Zelensky.

Duke iu drejtuar parlamentit të Luksemburgut, ai tha se pothuajse 125,000 km katrorë (nga 48,260 milje katrore që është Ukraina) tani janë në duart e Moskës. 

Kjo përfshin Krimenë dhe pjesë të Ukrainës lindore që forcat pro- ruse morën në vitin 2014, e cila përbënte afërsisht 7% të territorit të Ukrainës.

Zelensky tha se vija aktuale e frontit shtrihej për më shumë se 1,000 km (620 milje).

Gati 12 milionë ukrainas janë detyruar të largohen nga shtëpitë e tyre që nga fillimi i pushtimit rus më 24 shkurt, dhe mbi pesë milionë prej tyre - kryesisht gra dhe fëmijë - janë larguar jashtë vendit, tha ai.

Zelensky pohoi gjithashtu se humbjet ushtarake ruse tani ishin në më shumë se 30,000 - më shumë se viktimat gjatë luftës që Rusia zhvilloi në Afganistan në 1979-89 dhe dy luftërave çeçene në 1994-2000.