Kryeministri britanik Boris Johson i është drejtuar sot parlamentit të Ukrainës përmes një video-call.

Johson e cilësoi fjalimin e tij si një ‘nder të madh’ duke u shprehur:

''Përshendes guximin me të cilin po takohemi, mënyrën se si keni vazhduar të takoheni pavarësisht një sulmi barbar ndaj lirive tuaja’.

Gjithashtu gjatë fjalimit të tij Johson u shpreh se Britania e Madhe do të bëjë të pamundërën për t’i kërkuar llogari Rusisë për krimet e luftës në Bucha, Irpin dhe Hostomel.

''Kam bredhur në rrugët e bukura të kryeqytetit tuaj dhe kam parë mjaftueshëm për lirinë e Ukrainës për të ditur se Kremlini po bënte një gabim të tmerrshëm. Kishte persona që i besonin propagandën së Kremlinit se armatura ruse do të ishte si një forcë e papërmbajtshme dhe se Kievi do të binte brenda ditëve. Sot e ashtuquajtura forca e parezistueshme e makinerisë së luftës së Putinit është thyer mbi objektin e palëvizshëm të patriotizmit ukrainas dhe dashurisë për atdheun. Kjo është ora më e mirë e Ukrainës - që do të mbahet mend dhe rrëfehet për brezat që do të vijnë.

Fëmijët dhe nipërit tuaj do të thonë se ukrainasit i mësuan botës se forca brutale e një agresori nuk llogaritet kundër forcës morale të një populli të vendosur për të qenë i lirë.

"Ata do të thonë se ukrainasit dëshmuan me këmbënguljen dhe sakrificën e tyre se tanket dhe armët nuk mund të shtypin një komb që lufton për pavarësinë e tij, dhe kjo është arsyeja pse unë besoj se Ukraina do të fitojë."

" është shprehur Johson para parlamentit të Ukrainës.

Johson konfirmoi gjithashtu se Mbretëria e Bashkuar do të dërgonte më shumë armë në Ukrainë në javët e ardhshme si pjesë e një pakete shtese mbështetje prej 300 milion puandë.