Avioni special i Putinit, i njohur edhe si avioni i ‘Fundit të botës’, është ngritur në fluturim këto ditë në Moskë.
Sipas Daily Mail, ky avion i lejon Putinit që të vazhdojë të sundojë Moskën edhe në rast të një lufte bërthamore.
Videoja e frikshme tregon avionin Ilyushin Il-80 duke fluturuar shumë ulët në rrethinat e Moskës.
Këto pamje vijnë në kohën kur tensionet në lidhje me përdorimin e armëve atomike për shkak të luftës në Ukrainë janë ngritur ndjeshëm.
Autoritetet ruse thonë se avioni është ngritur në fluturim pasi po bën prova për të marrë pjesë në Paradën e përvitshme të Fitores në Sheshin e Kuq.
Avioni gjigant i periudhës sovjetike, pa dritare përveç pjesës së kabinës së pilotëve, njihet edhe si Kremlini Fluturues.
Për herë të fundit ai është parë në ajër në vitin 2010.
© SYRI.net