Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell ka komentuar situatën në Mariupolin e rrethuar duke e quajtur atë “Aleppo të Evropës’ dhe shtoi se Bashkimi Europian synon të vazhdojë të ndihmojë Ukrainën që t’i jap fund sa më shpejt të jetë e mundur agresionit rus.

''Mariupoli është Aleppo e Evropës. Qyteti është shkatërruar plotësisht. Me mijëra civilë të vrarë. Do bëjmë gjithçka që kjo luftë të përfundojë sa më shpejt. Dhe për këtë qëllim ne do të vazhdojmë të ndihmojmë Ukrainën. Lufta në Ukrainë po transformon skenën gjeopolitike botërore’ shkruan Borrell në postimin e tij.

En nuestra misión en la Universidad de Chile @udechile imparto la conferencia: "La Unión Europea frente a las crisis internacionales"

Puedes seguirla en directo en este enlace:https://t.co/vRp2Nql1PB

— Josep Borrell Fontelles (@JosepBorrellF) April 28, 2022

Në të njëjtën kohë, Borrell i përshkroi  "të dëmshme për sigurinë dhe stabilitetin e Republikës së Moldavisë" incidentet që janë raportuar në rajonin e Transnistrias.

“Bashkimi Evropian u bën thirrje përgjegjësve që të përmbahen nga destabilizimi i vendit”, tha Borrell, duke përshëndetur “reagimet e moderuara të autoriteteve të Republikës së Moldavisë, të cilat po ndihmojnë në ruajtjen e rendit në vend”. 

Ai shpreh gjithashtu solidaritetin e BE-së me Moldavinë dhe nënvizon "mbështetjen e saj të palëkundur për sovranitetin dhe integritetin territorial të Republikës së Moldavisë brenda kufijve të saj të njohur ndërkombëtarisht dhe me një regjim të veçantë për rajonin e Transnistrias".

Së fundi, Përfaqësuesi i Lartë vëren se BE-ja po ofron ndihmë gjithëpërfshirëse për Moldavinë për të adresuar sfidat e menjëhershme të fluksit të refugjatëve.

Shënim: Qyteti i Aleppos është një nga qytetet më të prekura nga lufta në Siri. Që nga viti 2012 ky qytet ka qënë në qendër të sulmeve nga regjimi i Bashar al Assad.