Shërbimi i Inteligjencës ukrainase njofton se Rusia ka shkelur marrëveshjen për korridoret e evakuimit, pasi shtatë civilë kanë humbur jetën nga sulmi rus ndaj një autokolone.

Sipas burimeve, karvani po transportonte njerëz nga fshati Peremoha, në rajonin e Kievit.

Në një deklaratë, shërbimi inteligjent njoftoi: “Pas sulmit, pushtuesit i detyruan ata që mbetën të ktheheshin nga Peremoha dhe nuk po i lënë të dalin nga fshati”.

Ndërkohë që Rusia ka mohuar të ketë shënjestruar civilët që nga fillimi i pushtimit të Ukrainës më 24 shkurt.