Kremlini shpeshherë është shprehur se një takim mes presidentit rus Vladimir Putinit dhe homologut të tij Volodymyr Zelenskyy mund të ndodhë.
Madje kjo gjë u diskutua dhe në samitin e mbajtur dje në Turqi
Edhe sot sipas zëdhënësi i Kremlinit, Dmitry Peshkov, është shprehur se një takim mes Putinit dhe homologut të tij ukrainas është i mundur, por ky takim duhet të jetë plotësisht i përgatitur për të dhënë rezultate, sipas Peshkov.
Duke folur për luftën në Ukrainë, Peshkov tha se rusët që thonë se u vjen turp për "operacionin special ushtarak" të vendit në Ukrainë, nuk janë rusë të vërtetë.
"Një rus i vërtetë nuk ka kurrë turp të jetë rus," u tha gazetarëve zëdhënësi i Kremlinit Dmitry Peshkov kur u pyet për sloganin "më vjen turp të jem rus" slogan i përdorur brenda dhe jashtë Rusisë.
"Nëse dikush thotë gjëra të tilla, atëherë ata thjesht nuk janë rus," tha Peshkov.
Peshkov tha se ndjenjat anti-ruse po rriteshin në mënyrë të rrezikshme në Perëndim dhe tha se shpresonte që udhëheqësit perëndimorë të ndalonin nxitjen e një rusofobie të tillë.
Kremlini tha të enjten se ekonomia ruse ishte në gjendje shoku dhe se po ndërmerren masa për të zbutur efektet e asaj që ai e përshkroi si një luftë ekonomike "absolutisht të paprecedentë" kundër Moskës.
Perëndimi ka vendosur sanksione gjithëpërfshirëse ndaj Rusisë për pushtimin e saj në Ukrainë.
"Ekonomia jonë është në gjendje shoku tani dhe ka pasoja negative, ato do të minimizohen," u tha gazetarëve në një telekonferencë zëdhënësi i Kremlinit Dmitry Peshkov.
© SYRI.net