Mbretëria e Bashkuar ka njoftuar sanksione ndaj 386 politikanëve rusë që mbështetën pushtimin e Ukrainës nga Vladimir Putin, tha Ministria e Jashtme britanike.

Sanksionet nënkuptojnë ndalime të udhëtimit në Britaninë e Madhe dhe ngrirje të aseteve për ata që votuan për pavarësinë e rajoneve separatiste Luhansk dhe Donetsk.

Sekretarja e Jashtme britanike Liz Truss tha se Mbretëria e Bashkuar "po synonte ata që ishin bashkëpunëtorë në pushtimin e paligjshëm të Ukrainës nga Putini dhe ata që mbështesin këtë luftë barbare".

"Ne nuk do të heqim dorë nga presioni dhe do të vazhdojmë të shtrëngojmë vidën mbi ekonominë ruse përmes sanksioneve," tha ajo.

"Së bashku me aleatët tanë, ne qëndrojmë fort përkrah miqve tanë ukrainas. Ne do të vazhdojmë të mbështesim Ukrainën me ndihmë humanitare, armë mbrojtëse dhe punë diplomatike për të izoluar Rusinë ndërkombëtarisht."