Ai mendohet se zotëron prona dhe asete në vlerë prej qindra milionë dollarësh, dhe një raport i botuar vitin e kaluar zbuloi se diplomati numër 1 i Rusisë ka financuar karrierën dhe jetën personale të një zonje sekrete dhe miqve dhe familjes së saj.
Dhe është fjala për kryediplomatin rus Sergei Lavrov i cili është përfshirë në një polemikë rreth një gruaja që besohet të jetë e dashura e tij prej shumë kohësh, Svetlana Polyakova.
Një raport i botuar vitin e kaluar nga botimi anti-korrupsion iStories dhe faqja zyrtare e kritikut të burgosur të Kremlinit, Alexei Navalny, pretendonte se Lavrov, i cili është i martuar që nga viti 1971 me një fëmijë dhe nipër e mbesa, e mori Polyakovën jashtë shtetit më shumë se 60 herë në “udhëtime diplomatike”, misione dhe financoi stilin e saj të jetesës luksoze.
Polyakova, e cila ka mbajtur një pozicion në Ministrinë e Jashtme ruse që nga viti 2014, ka udhëtuar me Lavrov në Francë, Itali, Zvicër, Japoni, Singapor, Portugali, Azerbajxhan dhe Greqi dhe ka përdorur shpesh avionin e ministrisë së jashtme në tetë vitet e fundit.
Disa nga udhëtimet përfshinin pushime luksoze dhe vizita në shtëpi dhe jahte luksoze.
Por së fundmi Maria Pevchikh një zë i fuqishëm i opozitës ruse ka zbuluar se jo vetëm e dashura e Lavrov ka një jetë luksoze por edhe vajza e saj Polina Kovaleva.
Bukuroshaj 26 vjeçare sipas Pevchikh shijon jetën e saj luksoze në kryeqytetin britanik, Londër ku jeton prej kohësh.
Jeta e saj është një festë e pafund dhe këtë e dëshmon duke postuar fotot të saja në Intagram.
Kovaleva është pronare e një apartamenti në Kensington në qendër të Londrës të cilën dyshohet se e bleu për 4.5 milion paund në moshën 21 vjeçare.
Ajo është diplomuar në Shkollën e Biznesit të Kolegjit Imperial, e specalizuar në ekonomi dhe strategji biznesi.
Para fillimit të studimeve, ajo ka punuar në gjigantin rus të energjisë Gazprom.
Pas zbulimeve të Maria Pevchikh, gazeta konservatore Daily Telegraph i kërkoi qeverisë britanike vendosjen e sanksioneve ndaj Polina Kovalevas.
Ndërkohë, një video e një interviste të Kovalevës në kanalin Imperial Business School që është ngarkuar në YouTube tashmë ka marrë komente kritike pasi shumë përdorues të rrjeteve sociale dënojnë vendimin e universitetit prestigjioz për ta përdorur atë në kuadër të marketingut të institucionit.
I would like you to meet Polina Kovaleva. Polina is a 26-year-old glamorous Russian girl from London??. She lives in a huge apartment in Kensington and loves to party, her instagram feed looks like a non-stop holiday. That’s not unheard of, but there is one small detail…(THREAD) pic.twitter.com/6OsVGjPxQQ
— Maria Pevchikh (@pevchikh) March 10, 2022
© SYRI.net