Korrja e grurit në fushat e rrethit Novovodolazhsky të Kharkiv, Ukrainë, më 25 korrik 2017.

Qeveria ukrainase do të ndalojë eksportet e produkteve kryesore bujqësore, duke përfshirë grurin, misrin, drithërat, kripën dhe mishin, sipas një rezolute të kabinetit që kaloi të martën.

Sipas rezolutës tani është “ndaluar” eksportimi nga Ukraina,  i tërshërës, melit, sheqerit, kripës, grurit, mishit si dhe i bagëtive me nënproduktet e tyre nga Ukraina.

"Kjo do të thotë një ndalim de facto i eksportit," thuhej në deklaratën e kabinetit.

Ministri i Politikës Agrare dhe Ushqimit të Ukrainës, Roman Leshchenko tha se hapat ishin ndërmarrë "për të parandaluar një krizë humanitare në Ukrainë" dhe "për të përmbushur nevojat e popullatës për produkte ushqimore bazë".

Ukraina është një nga furnizuesit më të mëdhenj të produkteve bujqësore në Evropë, sipas të dhënave nga Komisioni Evropian.

Të kombinuara, si Rusia dhe Ukraina janë përgjegjëse për pothuajse 30% të eksporteve globale të grurit, sipas Gro Intelligence, një firmë analitike e të dhënave bujqësore.

Disa zhvillime: Çmimet e grurit u rritën në vazhdën e pushtimit rus të Ukrainës, duke arritur çmime të papara që nga viti 2008.

Ukraina ka pasur një vit rekord të eksporteve të grurit përpara pushtimit, ndërkohë që eksportet e grurit të Rusisë po ngadalësoheshin, sipas Departamentit të Bujqësisë së SHBA-së.