Në çdo rrethanë tjetër, do të ishte një pamje e bukur: bora e bardhë e pacenuar që mbulon çatitë e Kievit të vjetër.

Por për momentin, bora thjesht shton një listë të gjatë shqetësimesh për banorët e kryeqytetit ukrainas.

Me mijëra njerëz janë strehuar në bodrume pa ngrohje, në parkingje nëntokësore dhe stacione metroje në të gjithë qytetin dhe ftohja e papritur është shqetësuese. Temperaturat kanë lëvizur mbi 0 gradë Celsius gjatë dy javëve të fundit në Kiev.

Në ditët para fillimit të pushtimit, qiejt ishin blu dhe qyteti me diell. Disa ditë, të ulur jashtë në diell, xhaketat e dimrit filluan të mos duheshin dhe pranvera dukej se ishte në ajër.

Por temperaturat filluan të bien gjatë fundjavës dhe tani është ngricë në Kiev. Njerëzit kanë kaluar orë të tëra duke pritur në radhë të gjata në dyqanet ushqimore dhe farmacitë në qytet pasi ato u hapën për herë të parë pas një shtetrrethimi 36-orësh.

Për momentin, infrastruktura kryesore e qytetit po qëndron në këmbë. Energjia elektrike, nxehtësia dhe uji janë të disponueshme si normale, por frika e ndërprerjeve të mundshme të furnizimeve është rritur, pasi një kolonë e gjatë ushtarake ruse po I afrohet kryeqytetit.