BILD
Kur Irina, 35 vjeç, mori djalin e saj Dorianin 1-vjeçar në krah dhe u nis poshtë shkallëve për te streha në metronë e kryeqytetit ukrainas të premten në mbrëmje, dukej shumë e vendosur.
“Do hyj në një grevë urie,” tha ajo për BILD. “Të gjithë ne duhet të bëjmë diçka kundër Putinit, që po na terrorizon”.
Një ditë më vonë, të shtunën, nëna e tre fëmijëve po ecte në rrugët e Kievit. Papritur u ndje një shpërthim pranë saj. Ajo u plagos dhe është në gjendje të rëndë.
PUTIN, KJO ËSHTË VEPRA JOTE!
Bashkëshorti i Irinës është deputet nga partia e Vitali Klitschko, me origjinë nga Krimea. Ata u arratisën prej andej në vitin 2014, kur ushtria ruse pushtoi gadishullin.
Tani raketat e Putinit goditën gruan e tij, ai ka frikë për jetën e saj.
Për të treguar se sa shumë po vuajnë civilët nga lufta, ai kërkoi nga BILD që të publikojë foton e saj pas shpërthimit të tmerrshëm.
Vitali Klitschko tha për BILD: “Kjo mund t’i ndodhë kujtdo, në çdo kohë dhe kudo në Ukrainë. Bota duhet ta pranojë: është një luftë edhe kundër civilëve të pafajshëm!”.
© SYRI.net