Këshilltarët më të afërt të Vladimir Putin dukeshin të shqetësuar dhe të habitur, pasi presidenti rus kërcënoi me armët bërthamore një ditë më parë.
Sipas Daily Mail, shprehjet e fytyrës të gjeneralit Valery Gerasimov dhe ministrit të Mbrojtjes, Sergey Shoygu u fiksuan në kamera teksa Putini deklaroi se e ka vendosur arsenalin bërthamor në gatishmëri.
Një zyrtar i lartë i mbrojtjes amerikane tha se kjo deklaratë është shumë e rrezikshme. Sipas tij, një përllogaritje e gabuar mund të kishte pasoja katastrofike.
Ndërkohë krye-propagandisti i Vladimir Putinit ka kërcënuar Perëndimin. Duke folur në emisionin e tij, gazetari rus Dmitry Kiselyov tha: “Nëndetëset tona mund të qëllojnë më shumë se 500 mbushje bërthamore”.
“Kjo do garantonte shkatërrimin e SHBA dhe të gjitha vendeve të NATO-s”. “Përse na duhet bota nëse Rusia nuk do jetë pjesë e saj,” tha ai.
© SYRI.net