Bruksel – NATO ra dakord të enjten të forcojë trupat e saj tokësore, detare dhe ajrore në krahun e saj lindor pranë Ukrainës dhe Rusisë, pasi Presidenti Vladimir Putin urdhëroi një ofensivë ushtarake në Ukrainë.

"Ne po vendosim forca shtesë mbrojtëse tokësore dhe ajrore në pjesën lindore të aleancës, si dhe mjete shtesë detare," thanë ambasadorët e NATO-s në një deklaratë pas bisedimeve urgjente.

“Ne kemi rritur gatishmërinë e forcave tona për t'iu përgjigjur të gjitha rasteve të paparashikuara”, thuhet në deklaratën e tyre.

Ndërsa disa nga 30 vendet anëtare të NATO-s po furnizojnë Ukrainën me armë, municion dhe pajisje të tjera, NATO si organizatë jo. Ajo nuk do të nisë asnjë veprim ushtarak në mbështetje të Ukrainës, e cila është një partnere e ngushtë, por nuk ka asnjë perspektivë për t'u bashkuar.

Vendet më afër konfliktit – Estonia, Letonia, Lituania dhe Polonia – janë ndër ato që kanë "gishtrin në këmbëz" sipas Nenit 4 të traktatit themelues të NATO-s, që mund të aktivizohet kur “integriteti territorial, pavarësia politike ose siguria e ndonjë prej palëve në NATO kërcënohen.”

"Ne kemi vendosur, në përputhje me planifikimin tonë mbrojtës për të mbrojtur të gjithë aleatët, të ndërmarrim hapa shtesë për të forcuar më tej mbrojtjen e të gjithë Aleancës," thanë të dërguarit. Masat tona janë dhe mbeten parandaluese, proporcionale dhe jo-përshkallëzuese.