Numri i rasteve të reja me koronavirus në shkallë globale ra me 19% në javën e fundit ndërsa numri i vdekjeve mbeti i qëndrueshëm, tha Organizata Botërore të Shëndetësisë.

Në raportin e saj javor mbi pandeminë, agjencia shëndetësore e OKB-së tha se pak më shumë se 16 milionë infeksione të reja Covid-19 dhe rreth 75,000 vdekje u raportuan në mbarë botën javën e kaluar.

Paqësori Perëndimor ishte i vetmi rajon që raportoi një rritje të rasteve të reja javore, një rritje prej rreth 19%. Rënia më e madhe ishte në Azinë Juglindore, ku rastet e reja javore ranë me 37%.

Numri më i madh i rasteve të reja me Covid është parë në Rusi. Rastet atje dhe gjetkë në Evropën Lindore janë dyfishuar javët e fundit, të nxitura nga një rritje e variantit Omicron.

Numri i vdekjeve u rrit me 38% në Lindjen e Mesme dhe me rreth një të tretën në Paqësorin Perëndimor.

Drejtori i OBSH-së për Afrikën, Dr. Matshidiso Moeti, tha javën e kaluar se kishte "dritë në fund të tunelit" për kontinentin dhe se edhe përkundër niveleve të ulëta të vaksinimit, Afrika po kalonte nga faza akute e pandemisë.

Komentet e tij ishin në kontrast të ashpër me paralajmërimet e Drejtorit të Përgjithshëm të OBSH-së Tedros Adhanom Ghebreyesus, i cili ka thënë vazhdimisht se pandemia nuk ka mbaruar dhe është e parakohshme që vendet të mendojnë se fundi mund të jetë i afërt.