Hong Kong - Spitalet në Hong Kong po luftonin të mërkurën me një fluks  pacientësh të rinj me koronavirus në kulmin e infeksioneve të reja pasi udhëheqja e qytetit po i përmbahet me këmbëngulje strategjisë së saj "zero-COVID", dhe lideri i Kinës Xi Jinping tha ishte “detyrë kryesore” e pushtetit vendor të kontrollonte situatën.

Hong Kongu po përballet me shpërthimin më të keq të pandemisë në vend, duke kaluar në 2,000 raste të reja COVID-19 në ditë këtë javë. Qeveria vendore ka vendosur tashmë rregulla të rrepta, duke ndaluar grumbullimin e më shumë se dy familjeve.

Por objektet e kujdesit shëndetësor kanë filluar të përmbyten nga pacientët,  duke e detyruar Qendrën Mjekësore Caritas të qytetit të mërkurën të trajtojë disa pacientë në shtretër jashtë ndërtesës.

Xi lëshoi ​​personalisht udhëzime dhe udhëzoi zëvendëskryeministrin Han Zheng t'i shprehte Shefit Ekzekutiv të Hong Kongut, Carrie Lam, shqetësimin e madh që drejtuesit e Partisë Komuniste Kineze kishin për shpërthimin e fundit pandemik.