Presidenti rus Vladimir Putin tha të martën se ai e mirëpret një dialog për sigurinë me Perëndimin dhe ushtria e tij raportoi se po tërhiqte disa prej trupave të saj pranë Ukrainës. Por Presidenti i SHBA Joe Biden tha se SHBA nuk e kishte verifikuar pretendimin e Rusisë dhe se një pushtim ishte ende një mundësi.

Putin tha se ai nuk dëshironte luftë dhe do të mbështetet në negociatat për përpjekjet e tij për të eliminuar çdo mundësi që Ukraina një ditë të mund të anëtarësohet në NATO. Në të njëjtën kohë, ai nuk u angazhua për një tërheqje të plotë të trupave, duke thënë se lëvizjet e ardhshme të Rusisë do të varen nga mënyra se si evoluon situata.

Në një fjalim nga  Shtëpia e Bardhë, Biden premtoi se SHBA do të vazhdonte t'i jepte diplomacisë "çdo mundësi" për të parandaluar një pushtim rus, por ai foli me një ton skeptik për qëllimet e Moskës. Biden këmbënguli gjithashtu se SHBA dhe aleatët e saj nuk do të "sakrifikojnë parimet bazë" duke respektuar sovranitetin e Ukrainës.

"Dy rrugë janë ende të hapura," tha Biden. “Por le të mos ketë asnjë dyshim: nëse Rusia kryen këtë shkelje duke pushtuar Ukrainën, shtetet përgjegjëse në mbarë botën nuk do të hezitojnë të përgjigjen. Nëse nuk e mbrojmë lirinë atje ku është në rrezik sot, ne me siguri do të paguajmë një çmim më të lartë nesër.”

Uverturat e Putinit qetësuan tregjet globale  në u gjendën në mesin e tensioneve më të këqija Lindje-Perëndim në dekada. Uashingtoni dhe aleatët e tij evropianë qëndruan të kujdesshëm, duke thënë se duan të shohin dëshmi të një tërheqjeje ruse. Biden tha se 150,000 forca ruse janë grumbulluar tani pranë Ukrainës dhe Bjellorusisë, një rritje nga një vlerësim i mëparshëm i SHBA-së prej 130,000 trupash.

Pretendimi i Rusisë se ajo tërhoqi trupat "do të ishte mirë, por ne nuk e kemi ende të verifikuar këtë," tha Biden. "Në të vërtetë, analistët tanë tregojnë se ata mbeten shumë në një pozicion kërcënues."