Ukrainasit kanë qenë në luftë në lindje për gati tetë vjet, pasi rebelët e mbështetur nga Rusia pushtuan zona të mëdha të dy rajoneve kryesore - Luhansk dhe Donetsk.

 Në vitin 2014 separatistët i shpallën ato zona si republika të pavarura, të ashtuquajtura republika popullore.

Rusia nuk i ka njohur kurrë si të pavarur. 

Por tani parlamenti rus ka votuar për t'i bërë thirrje presidentit Vladimir Putin që të njohë këto dy zona të drejtuara nga separatistët si "shtete sovrane dhe të pavarura".

Nëse Putin do ta firmoste këtë rezolutë, ky do të ishte fundi i çdo lloj procesi paqeje me Ukrainën.

 Janë dy marrëveshje të njohura si marrëveshjet e Minskut nga viti 2014 dhe 2015.

Ato thjesht nuk janë zbatuar ende dhe një rrugëdalje nga kriza aktuale do të ishte përparimi në marrëveshjen e Minskut.

Sipas këtyre marrëveshjeve, dy rajonet e drejtuara nga rebelët do të mbeten pjesë e Ukrainës, por ato do të mbajnë një status të veçantë autonomie. 

Rusia dhe Ukraina kanë pikëpamje shumë të ndryshme për kuptimin e këtij statusi.

Ky votim nga deputetët rus nuk ishte i detyrueshëm dhe zëdhënësi i Kremlinit Dmitry Peskov ka qenë i kujdesshëm për të vënë në dukje se nuk ishte marrë asnjë vendim.

Rusia tashmë ka shpërndarë rreth 720,000 pasaporta për njerëzit që jetojnë në rajonet rebele, kështu që ata tashmë janë afër Moskës.

 Por njohja e pavarësisë së këtyre dy vendenve do të ishte një vendim dramatik që i jep fund çdo shprese për të arritur paqen me Kievin.