Udhëheqësit e SHBA-së dhe Britanisë së Madhe kanë thënë se nuk ka humbur çdo shpresë për një zgjidhje diplomatike të krizës në Ukrainë, por gjithsesi paralajmëruan se situata mbetet e brishtë.

Në një telefonatë 40-minutëshe, Joe Biden dhe Boris Johnson ranë dakord që një marrëveshje ishte ende e mundur pavarësisht një kori paralajmërimesh për një sulm të afërt ushtarak rus.

Rusia gjithmonë i ka mohuar planet për të pushtuar Ukrainën, pavarësisht se grumbullon më shumë se 100,000 trupa në kufi.

Si pjesë e përpjekjeve diplomatike për të shmangur një pushtim të mundshëm, kancelari gjerman Olaf Scholz do të takohet me Presidentin e Rusisë Vladimir Putin të martën.

Pasi u kritikua për një reagim të ngadaltë fillestare, Scholz u takua me presidentin ukrainas në Kiev të hënën, duke thënë se nuk kishte "asnjë justifikim të arsyeshëm" për gatishmërinë e ushtrisë ruse.

Më shumë se një duzinë shtetesh u kanë kërkuar qytetarëve të tyre të largohen nga Ukraina dhe SHBA-ja ka thënë se bombardimet ajrore mund të fillojnë "në çdo kohë".

Por në bisedën e tyre, Biden dhe Johnson thanë se mbetej një "dritare vendimtare" për diplomacinë dhe për Rusinë që të tërhiqet nga kërcënimet e saj ndaj Ukrainës, sipas një deklarate të “Doëning Street”.

“Udhëheqësit theksuan se çdo mësymje në Ukrainë do të rezultonte në një krizë të zgjatur për Rusinë, me dëme të shtrirë si për Rusinë ashtu edhe për botën”, shtohet në deklaratë.

Johnson thuhet se tha se Mbretëria e Bashkuar ishte e përgatitur të bënte gjithçka që mundej për të ndihmuar dhe që Biden, iu përgjigj: "Ne nuk do të bëjmë asgjë pa ty, mik."

Johnson pritet të mbajë një takim me Cobra të martën për të diskutuar reagimin e Mbretërisë së Bashkuar ndaj presioneve.