Autoritetet suedeze kanë rekomanduar një dozë të katërt të vaksinës kundër koronavirusit për njerëzit mbi moshën 80 vjeç, si dhe për banorët e shtëpive të pleqve pavarësisht nga mosha.

“Doza e katërt rekomandohet edhe për personat që marrin kujdes në shtëpi, pavarësisht moshës. Ajo dozë duhet të merret të paktën katër muaj nga doza e mëparshme”, thanë autoritetet.

“Aftësia e sistemit imunitar për të reaguar ndaj vaksinimit dhe për të krijuar mbrojtje të përhershme zvogëlohet me moshën. Doza shtesë e forcon atë mbrojtje”, deklaruan epidemiologët suedezë.

Në Suedi, më shumë se 85 për qind e njerëzve mbi 80 vjeç morën dozën e tretë dhe rreth 55 për qind e atyre mbi moshën 18 vjeç.