Koreja e Jugut do të fillojë dhënien e dozave të katërta të vaksinave kundër Covid këtë muaj dhe do të ofrojë miliona komplete testesh shtesë në shtëpi për të lehtësuar mungesën e tyre mes një rritjeje të infeksioneve Omicron, konfirmuan autoritetet të hënën.

Rritja ka çuar në rekorde rastet e përditshme, por vaksinimi i përhapur, me vaksinat e para përforcuese të marra nga më shumë se 57% e popullsisë prej 52 milionë banorësh, ka ndihmuar në kufizimin e vdekjeve dhe infeksioneve serioze, raportoi Reuters.

Grupet me rrezik të lartë do të jenë të parët që do të marrin dozën e katërt, që i bie në fakt një injeksion të dytë përforcues, tha Ministri i Shëndetësisë Këon Deok-cheol në një takim të reagimit ndaj Covid.

“Ne po planifikojmë të ofrojmë vaksinën e katërt për ata që jetojnë në azile dhe ambiente përkujdesjeje dhe të tjerë me imunizimin e reduktuar, në dritën e një rritjeje të kohëve të fundit të infeksioneve midis njerëzve të moshës 60 vjeç e lart,” tha ai.

Të paktën 44.22 milionë njerëz, ose 86.2% e popullsisë, konsiderohen të vaksinuar plotësisht.

54,619 rastet e reja të së dielës e çuan numrin e infeksioneve në 1,405,246, njoftoi  Agjencia Koreane e Kontrollit dhe Parandalimit të Sëmundjeve (KDCA).

Numri i vdekjeve të vendit u rrit me 21 në 7,102.