Një burrë vdiq dhe tetë të tjerë u shtruan në spital në gjendje të rëndë pasi kishin pirë në një bar në Bavari, tha policia gjermane të hënën.

Burri që vdiq ishte 52 vjeç, dhe të tjerët ishin midis 33 dhe 52, tha policia për agjencinë gjermane të lajmeve DPA.

Policia nuk tha se çfarë kishte pirë grupi i njerëzve për shkak të hetimeve në vazhdim, por tha se ata kishin porositur dhe kishin ndarë së bashku një shishe.

Ngjarja ka ndodhur mbrëmjen e së shtunës në qytetin bavarez të Ëeiden. Kur policia mbërriti në lokal, gjeti njerëz të shtrirë në tokë me ngërçe dhe tetë prej tyre duhej të shtroheshin në spital.

Një zëdhënëse e policisë i tha transmetuesit publik Bayerischer Rundfunk se ekzistonte dyshimi për vrasje nga pakujdesia, por se ata nuk po shikonin asnjë të dyshuar për momentin.