Kafja ekspres, Italia kërkon statusin e trashëgimisë nga UNESCO

Kjo kafe u bë shpejt një pjesë integrale e identitetit kombëtar italian pas krijimit të saj në Torino në shekullin e 19-të.

Italia do të aplikojë në Unesco për statusin e kafes ekspres, duke pretenduar se është "shumë më tepër se një pije e thjeshtë".

Kjo ndjek artin e prodhuesit napolitan të picave që i shtohet listës së agjencisë së OKB-së për trashëgiminë jomateriale të botës të vitir 2017. Italia synon të sigurojë statusin mbarëbotëror pra edhe për një tjetër simbol të saj të suksesshëm.

“Është një ritual autentik dhe një shprehje e socialitetit tonë që na dallon në mbarë botën”, tha Gian Marco Centinaio, nënsekretari i bujqësisë, duke konfirmuar se aplikimi ishte dorëzuar.

Espresi u bë shpejt një pjesë integrale e identitetit kombëtar pas krijimit të saj në Torino në fund të shekullit të 19-të. Pirja e kafes ekspres krijon një rast për një takim, për të diskutuar politikën dhe futbollin, për t'u ankuar, për të bërë paqe ose për të paguar një borxh, ose thjesht një justifikim për të folur për këtë dhe atë.

Sipas Institutit Italian Espresso, i themeluar në vitin 1998 me qëllimin specifik për të mbrojtur dhe promovuar ekspresin origjinal, tregu vlen më shumë se 4 miliardë euro në vit, me më shumë se 90% të italianëve që pinë nga një filxhan secili në ditë, që zakonisht shërbehet në një filxhan porcelani.

Rregulloret strikte të institutit për kafen ekspres të përsosur përfshijnë përdorimin e një përzierjeje të çertifikuar kafeje, pajisje të çertifikuara dhe madje edhe personel të licencuar.

Aty specifikohet se kremi, shkuma më e lehtë që qëndron në majë të pijeve të errëta me kafeinë, "duhet të jetë uniforme dhe e qëndrueshme për të paktën 120 sekonda nga koha kur kafeja është përgatitur, pa u përzier". Aty thuhet se ngjyra e pijes duhet të jetë "kafe-lajthi në kafe të errët [dhe] e karakterizuar nga reflekse të errëta".

Centinaio tha se kandidatura e ekspresit ishte gjithashtu një mënyrë për të festuar ndërveprimin social të Italisë, pjesërisht e ndalur nga kufizimet Covid.

Përpjekje të mëparshme për të pasur kafenë ekspres italiane në listën e Unesco-s janë bërë, por nuk janë finalizuar kurrë zyrtarisht, gjoja për shkak të politikës së trazuar të vendit.

Nënsekretari i bujqësisë tha se ishte i bindur se komisioni kombëtar i UNESCO-s i Italisë do ta miratonte ofertën, me verdiktin që pritet në pranverë.