Marc Lourdes, një ish-drejtor i CNN Digital Worldwide për Azi-Paqësor, ka ndërrruar jetë në një aksident rrugor në Malajzi në moshën 40 vjeçare.

Lourdes iu bashkua CNN-it në Hong Kong në vitin 2016 dhe shumë shpejt u bë një udhëheqës dhe mik i çmuar i kolegëve në të gjithë rajonin.

Gjatë kohës së tij në CNN, Lourdes ishte i rëndësishëm në udhëheqjen e zgjerimit dixhital të kompanisë në Azi dhe ishte një mbrojtës i ashpër i rëndësisë së rajonit në axhendën globale të lajmeve.

Lourdes u largua nga CNN në 2018 për t'u kthyer në shtëpi në Malajzi, ku punoi si zëvendëspresident dhe drejtues i televizionit satelitor Astro.

 Tetorin e kaluar, ai iu bashkua Tatler si drejtor i përmbajtjes dixhitale në Azi.

Lourdes e filloi karrierën e tij si gazetar në Star në Malajzi, përpara se të merrte role në New Straits Times dhe Yahoo, ku ishte kryeredaktor përpara se të transferohej në Hong Kong dhe CNN.

Shefi i zyrës së CNN në Hong Kong, Roger Clark, e kujtoi Lourdesin si një personalitet të madh.

"Marc la një ndikim tek të gjithë ata me të cilët punoi," tha Clark duke shtuar: "Ai ishte një gazetar i shkëlqyer që ishte plot ide. Ai solli kaq shumë gëzim në redaksinë e CNN me dashamirësinë e tij, buzëqeshjen e tij. Ai ishte gjithashtu pak i çuditshëm. Zyra e tij në Hong Kong u bë si një vend i shenjtë për Manchester United dhe Star Wars -- dy nga pasionet e tij. Ai do të mungojë shumë."