Në agimin e djeshëm, 24 komando amerikanë, helikopterë Apache dhe dron morën pjesë në një operacion kundër terrorizmit në veri të Sirisë për të rrëzuar liderin e shtetit Islamik  Abu Ibrahim al-Qurayshi.

Helikopterët Apache fluturuan ulët dhe shpejt, dhe sipas Wall Street Journal dhe 24 anëtarë të Delta Force me bazë në SHBA filluan të rrethojnë shtëpinë e tij.

Al -Qurasi, ose "Profesori ", siç njihej ai, u pa nga amerikanët javën e kaluar duke ecur në një rrugë në provincën Idlib. 

Brenda pak sekondash, 24 komandot amerikanë kishin rrethuar një shtëpi trekatëshe në qytetin verior të Sirisë, Atmeh, në ullishte, jo shumë larg kufirit turk.

Në 45 minuta nga fillimi i bastisjes, u dëgjua një shpërthim duke shkatërruar një pjesë të madhe të katit të fundit. 

Nga ky shpërthim mbeti i vrarë dhe Al-Qurayshi.

Po kush është AL-Qurayshi?

Al-Qurayshi u emërua lider i ISIS-it menjëherë pasi paraardhësi i tij Abu Bakr al-Baghdadi hodhi veten në erë gjatë një operacioni amerikan në vitin 2019 në Siri.

Al-Baghdadi kishte shpallur një "kalifat islamik" nga një xhami në qytetin irakian të Mosulit pasi luftëtarët e tij pushtuan qytetin dhe më pas pushtuan zona të mëdha të Irakut dhe Sirisë në vitin 2014.

Al-Qurayshi ishte një figurë e profilit të ulët kur udhëhoqi grupin në një kohë kur ai ishte nën presionin e fortë ushtarak nga forcat e udhëhequra nga SHBA, Iraku dhe forcat e tjera pasi humbi të gjithë territorin që dikur e kishin kontrolluar.

Al-Qurayshi – i cili gjithashtu njihej dhe emrat Abdullah Amir Mohammed Saeed al-Mawla dhe Haxhi Abdullah Qardash – konsiderohej një njeri brutal dhe ishte nën radarin e inteligjencës irakiane dhe amerikane derisa u bë lider i ISIS.

Al-Qurayshi lindi në vitin 1976 në Muhallabiya, një qytet i vogël i banuar kryesisht nga pakica turkmene e Irakut në perëndim të Mosulit, i biri i një predikuesi që drejtonte lutjet e së Premtes në një xhami në qytetin aty pranë.

Si student i islamit në universitetin në Mosul, ai u specializua më shumë në drejtimin fetar dhe jurisprudencën islame sesa në sigurinë dhe doktrinën ushtarake të ISIS-it, por fitoi përvojë përmes ushtrisë dhe anëtarësimit në grupe të armatosura, sipas zyrtarëve irakianë të sigurisë.

Në një moment në të kaluarën, ai kishte shërbyer në ushtrinë e Saddam Hussein-it, sipas zyrtarët irakianë të sigurisë.

Shumë ish-ushtarë morën armët kundër trupave amerikane pasi përfaqësuesi i Uashingtonit në Irak urdhëroi shpërbërjen e ushtrisë irakiane dhe futi në listën e zezë mijëra komandantë të lidhur me partinë Baath të Huseinit.

Al-Qurayshi i ishte bashkuar kryengritjes së armatosur kundër pushtimit amerikan të Irakut midis 2003 dhe 2004, sipas hulumtimit nga Feras Kilani, një korrespondent i BBC-së i cili intervistoi al-Qurayshi dhe kreu një hetim mbi udhëheqjen e ISIS-it pas al-Baghdadi.

Në vitin 2008, forcat amerikane kapën al-Qurayshi në Mosul dhe e burgosën në një vend të quajtur 'Kampi Bucca', sipas korrospodentit të BBC.

Kampi Bucca ishte i njohur për mbajtjen e të burgosurve të Al-Kaedës dhe Shtetit Islamik të Irakut, të cilët kishin lidhje të rëndësishme me njëri-tjetrin gjatë kohës që ishin në burg, përfshirë al-Baghdadin. 

Al-Qurayshi u lirua në vitin 2009.

Në vitin 2014, al-Qurayshi ndihmoi al-Baghdadin të merrte kontrollin e qytetit verior të Mosulit, sipas grupit të ekspertëve të Projektit Kundër Ekstremizmit (CEP) dhe u vendos shpejt në radhët e larta të kryengritjes dhe u mbiquajt "Profesor" dhe "Shkatërrues"".

Ai ishte i respektuar në mesin e anëtarëve të ISIS-it si një "politikbërës brutal" dhe ishte përgjegjës për "eliminimin e atyre që kundërshtonin udhëheqjen e al-Bagdadit", thuhet në deklaratë.

Zyrtarët amerikanë e përshkruan al-Qurayshi-n pas vdekjes së tij si "forca shtytëse" pas gjenocidit të 2014-ës ndaj pakicës jazidësh në Irakun verior dhe thanë se ai mbikëqyrte një rrjet të degëve të ISIS-it nga Afrika në Afganistan.