Katër deputetë francezë po bëjnë presion që Julian Assange t'i ofrohet azil në Francë në mes të luftës së vazhdueshme të themeluesit të WikiLeaks kundër ekstradimit nga Britania e Madhe për në SHBA.
Jennifer De Temmerman, Jean Lassalle, Cedric Villani dhe Francois Ruffin do të flasin në një konferencë shtypi në Paris më 1 shkurt, ku do të shpjegojnë pse Assange – aktualisht në burg në Mbretërinë e Bashkuar – duhet t’I jepet strehim në Francë.
Ekipi mbrojtës i Assange njoftoi në shkurt 2020 se do të kërkonte azil për të në Francë, përpara seancës dëgjimore në Mbretërinë e Bashkuar nëse 50-vjeçari duhet të ekstradohej në SHBA për gjykim.
Dy vjet më vonë, Assange vazhdon të luftojë kundër ekstradimiy në SHBA, ku do të përballej me gjyqin për publikimin e një grumbulli dokumentesh të klasifikuara ushtarake të më shumë se një dekade më parë.
Në dhjetor 2021, Gjykata e Lartë e Britanisë rrëzoi një vendim të një gjykate më të ulët se Assange nuk mund të ekstradohej për shkak të shqetësimeve për shëndetin e tij mendor.
Në janar, Assange fitoi të drejtën për të apeluar këtë vendim në Gjykatën e Lartë të Mbretërisë së Bashkuar, duke e vonuar edhe më ekstradimin e tij të mundshëm.
WikiLeaks ishte i vendosur më parë në Francë dhe fëmijët e Assange jetojnë në këtë vend, por avokatët e tij pranuan në vitin 2020 se fakti që ai nuk është në tokën franceze do ta ndërlikonte procesin.
© SYRI.net