''Rreth një milion shtrime në spital në BE mund të ishin shmangur nëse të gjithë të vaksinuarit për koronavirusin në Union do të kishin marrë një dozë përforcuese'', tha presidentja e Komisionit Ursula von der Leyen.

“Sot po arrijmë një moment historik në fushatat e vaksinimit. Më shumë se gjysma e të rriturve në BE kanë marrë dozën e tretë të vaksinës anti- covid. 82% e të rriturve në BE janë vaksinuar. Ky është një lajm i mirë. Por sigurisht që duhet të bëjmë më shumë. Ata që munden duhet të vaksinohen dhe të marrin dozën përforcuese ”, tha ajo në një video-mesazh në Twitter.

Gjithashtu Von der Leyen theksoi se : "Mjekët dhe provat e kanë bërë shumë të qartë. Vaksinimet dhe përforcuesit ofrojnë mbrojtjen më të mirë kundër virusit dhe mutacioneve të tij, duke përfshirë Omicron."

Ajo shtoi: “Të dhënat nga Qendra Evropiane për Parandalimin dhe Kontrollin e Sëmundjeve (ECDC) tregojnë se dozat përforcuese mund të na mbajnë jashtë spitaleve. Nëse të gjithë ata që janë vaksinuar në BE do të kishin marrë një dozë përforcuese, ne mund të kishim shmangur rreth një milion shtrimet në spital në BE . "

"Pandemia nuk ka mbaruar dhe mutacioni i Omicron po përhapet me të vërtetë shpejt në shumë vende të BE-së. Le të mbrohemi," përfundoi Ursula von der Leyen.

Half of all adults in the EU now had their booster shot.

This is good. But we need to do more.

Vaccination and boosters are the best protection against COVID, including Omicron.

If all vaccinated Europeans got a booster, we could avoid around 1 million hospitalisations. pic.twitter.com/flM3fCx81H

— Ursula von der Leyen (@vonderleyen) January 28, 2022