Koblenz, Gjermani  - Një gjykatë gjermane e ka dënuar një ish-oficer policie sekrete siriane për krime kundër njerëzimit për mbikëqyrjen e abuzimit të të burgosurve në një burg pranë Damaskut një dekadë më parë.

Vendimi i së enjtes në gjyqin historik është pritur me zell nga sirianë që pësuan abuzime ose humbën të afërmit në duart e qeverisë së Presidentit Bashar Assad në konfliktin afatgjatë të vendit.

Gjykata shtetërore e Koblenz-it arriti në përfundimin se Anëar Raslan ishte oficeri i lartë në krye të një reparti në qytetin sirian Douma të njohur si Al Khatib ose Dega 251, ku u arrestuan protestuesit e opozitës.

Gjykata e dënoi me burgim të përjetshëm. Avokatët e tij kërkuan nga gjyqtarët javën e kaluar që të lironin klientin e tyre, duke pretenduar se ai kurrë nuk ka torturuar personalisht askënd dhe se ai dezertoi në fund të vitit 2012.

Prokurorët gjermanë pretenduan se Raslan mbikëqyri "torturën sistematike dhe brutale" të më shumë se 4,000 të burgosurve midis prillit 2011 dhe shtatorit 2012, duke rezultuar në vdekjen e dhjetëra njerëzve.