Linjat ajrore amerikane thonë se Kina ka bllokuar më shumë se një duzinë fluturimesh të fundit dhe të ardhshme nga hyrja në vend, duke i shtrënguar kufizimet tashmë të rrepta të udhëtimit COVID-19.

Kina urdhëroi anulimet pasi disa pasagjerë rezultuan pozitivë për COVID-19 në avionët që mbërritën në Kinë në fund të dhjetorit, sipas zyrtarëve të kësaj industrie.

American Airlines tha të martën se gjashtë nga avionë e saj nga Dallas-Fort Worth për në Shanghai në fund të janarit dhe në fillim të shkurtit janë anuluar.

United Airlines tha se u detyrua të anulojë gjashtë avionë nga San Francisko në Shanghai më vonë këtë muaj.

Delta Air Lines tha se anuloi një fluturim javën e kaluar dhe një tjetër këtë të premte për në Shangai.

Linjat ajrore për Amerikën, e cila përfaqëson transportuesit më të mëdhenj të pasagjerëve dhe ngarkesave në SHBA, tha se po diskutonte çështjen me zyrtarët e qeverisë amerikane dhe kineze për të gjetur mënyra për të minimizuar ndikimin tek udhëtarët. 

Bllokimi i fluturimeve është zhvillimi i fundit në një mosmarrëveshje mes dy vendeve për fluturimet ndërkombëtare dhe rregullat e krijuara për të parandaluar përhapjen e koronavirusit.

Kina i ka rritur kufizimet e udhëtimit pas shpërthimeve të fundit të COVID-19 pasi përgatitet të mbajë Lojërat Olimpike Dimërore në fillim të shkurtit. Kina e kufizuar kapacitetin për avionët që hyjnë në vend - aktualisht në 75% - dhe kërkon që pasagjerët të testohen si përpara nisjes, edhe pas mbërritjes në vend.