Wendy Sherman një nga diplomatet më të fuqishme në botë njihet si ‘dhelpra e argjendtë’ për shkak të ngjyrës së flokëve dhe stilit të saj të zgjuar për të bërë marrëveshjeve.

Sherman- - Zëvendës Sekretarja e Shtetit e SHBA, ka takuar zyrtarë rusë këtë javë për të diskutuar rreth Ukrainës.

Zyrtarët amerikanë shpresojnë të qetësojnë situatën e tensionuar përmes negociatave me rusët - dhe zonja Sherman është personi i duhur.

E njohur në Uashington për mënyrën e saj të mprehtë, ajo ka një histori të trajtimit të temave të vështira.

Kur Bill Clinton ishte presidenti i SHBA-së, ajo u përpoq të përpunonte një marrëveshje me koreano-veriorët që ishte projektuar për të ndalur përpjekjet e tyre për të ndërtuar armë bërthamore.

Në vitin 2011, ajo mori drejtimin në bisedimet bërthamore të ekipit amerikan me Iranin, ndërsa presidenti Barack Obama ishte në detyrë.

 Ajo përfundimisht ndihmoi në arritjen e një marrëveshjeje historike bërthamore midis Iranit dhe  SHBA-së, Britanisë së Madhe, Francës, Kinës, Rusisë dhe Gjermanisë - në 2015.

Në atë kohë, zonja Sherman foli se të qenit grua nuk ishte një pengesë për përparimin e saj në dhomën e negociatave edhe pse Republika Islamike e Iranit ka rregulla strikte për ndërveprimet midis burrave dhe grave.

Dhe këtë javë, ajo do të vërë në provë aftësitë e saj.

Negociatat me rusët kanë qenë veçanërisht rraskapitëse, thonë analistët, dhe asaj do t'i nevojiten të gjitha truket diplomatike për të arritur qëllimet e saj - shmangien e një lufte të madhe në Evropë.

Ajo foli me zyrtarët rusë, një grup që përfshin Sergei Ryabkov, zëvendësministër i Jashtëm, në Gjenevë të hënën, por do të bisedojë sërish me rusët të mërkurën në një takim të NATO-s, Organizatës së Traktatit të Atlantikut të Veriut, në Bruksel dhe në Vjenë të enjten.

Rusët kanë një listë kërkesash: zyrtarët amerikanë duhet të bien dakord që nuk do të zgjerojnë forcat e NATO-s drejt lindjes.

 Rusët gjithashtu duan që zyrtarët amerikanë të përjashtojnë mundësinë që Ukraina mund të bashkohet një ditë me NATO-n.

Deri më tani, negociatat mes zyrtarëve amerikanë dhe rusë janë në një ngërç.