Virginia, SHBA - Një arushë e zezë me tre këlyshë u ngjitën në një pemë dhe ranë në gjumë në mes të një lagjeje në Virxhinia përpara se të kërcenin vetë poshtë disa orë më vonë, thanë zyrtarët e kafshëve të egra të martën.
Katër arinjtë e zinj u larguan nga Bruin Drive në qytetin Chesapeake rreth mesnatës së të hënës, njoftoi Chesapeake Animal Services në Facebook.
Zyrtarët u kishin kërkuar banorëve pranë pemës që të qëndronin brenda dhe bllokuan rrugën nga vizitorët e jashtëm për t'u dhënë arinjve "hapësirë, qetësi dhe kohë".
Policia u lajmërua fillimisht për arinjtë rreth orës 2 të mëngjesit të së hënës, raportoi The Virginian-Pilot.
"Arinjtë janë të bukur për t'u parë, por është jashtëzakonisht e rëndësishme që njerëzit të qëndrojnë larg tyre. Arinjtë e zinj mund të jenë të paparashikueshëm, veçanërisht kur arushat kanë këlyshë, - thuhej në njoftim. - Situata është shumë stresuese për arinjtë, ndaj është e rëndësishme të qëndrohet larg zonës. Arinjtë do të zbresin kur të jetë heshtje dhe qetësi dhe njerëzit nuk duhet të përpiqen për t'u afruar me ta".
© SYRI.net