Varshavë  - Presidenti polak Andrzej Duda ka rezultuar i infektuar me koronavirus, njoftoi një këshilltar kryesor në Twitter të mërkurën, pasi disa njerëz rreth tij u infektuan.

"Presidenti ndihet mirë, nuk është i sëmurë rëndë dhe është nën mbikëqyrje të vazhdueshme mjekësore," tha këshilltari Paëel Szrot në një postim në Tëitter. Ai tha se presidenti ishte në izolim.

Duda gjithashtu u infektua me koronavirus edhe  në tetor të vitit 2020.

Polonia ka raportuar një numër më të ulët të infeksioneve të reja COVID-19 ditët e fundit, por raportimi ka të ngjarë të jetë ndikuar nga një reduktim i testimeve gjatë festave.

Varianti Omicron nuk ka fituar ende një terren në Poloni. Ministria e Shëndetësisë tha të martën se ai variant ishte përgjegjës për rreth 2.5% të infeksioneve, por pritej të bëhej dominues deri në fund të muajit.