"Shumë çifte nuk kanë fëmijë sepse nuk duan një ose më shumë", por kanë " mace dhe qen që zënë vendin e fëmijëve" është shprehur  Papa Françesku gjatë audiencës së përgjithshme në Vatikan.

'Të kesh fëmijë është plotësia e jetës së njeriut”, shtoi Papa, duke u bërë apel institucioneve që të thjeshtojnë procedurën e birësimeve.

“Shpresoj që institucionet do të jenë gjithmonë të gatshme për të ndihmuar në këtë kuptim të birësimit, duke e marrë seriozisht por edhe duke thjeshtuar procesin e nevojshëm për realizimin e ëndrrës së shumë të vegjëlve që kanë nevojë për një familje dhe të shumë bashkëshortëve që duan të japin dashuri', tha Papa.

Duke supozuar se "nuk mjafton të lindësh një fëmijë për të thënë se ata janë baballarë apo nëna", Papa Françesku theksoi vlerën e birësimit . 

"Kjo lloj zgjedhjeje është ndër format më të larta të dashurisë, atësisë dhe amësisë. Sa fëmijë në botë presin që dikush të kujdeset për ta! Dhe sa bashkëshortë dëshirojnë të jenë baballarë dhe nëna, por dështojnë për arsye biologjike ose ndërsa tashmë kanë fëmijë, ata duan të ndajnë dashurinë familjare me ata që janë privuar nga ajo”.

Për Papën "ne jetojmë në një epokë jetimore ", "qytetërimi ynë është pak jetim, ne e ndjejmë këtë".

 Më pas Papa kërkoi ndihmën e Shën Jozefit, 'babait të supozuar' të Jezusit, "për të zgjidhur ndjenjën e jetimit që na lëndon kaq shumë sot.