Johannesburg- Këmbanat e Katedrales së Shën Xhorxhit në Cape Toën do të bien për 10 minuta në mesditë çdo ditë deri të premten më 31 dhjetor për nder të heroit kundër aparteidit të Afrikës së Jugut, të Kryepeshkopit Desmond Tutu, i cili vdiq paqësisht në një azil në Cape Toën të dielën. Ai ishte 90 vjeç.

Tutu, fituesi i çmimit Nobel, i cili kishte predikuar kundër tiranisë së pakicës së bardhë dhe ishte nderuar si ndërgjegjja morale e kombit të tij si nga njerëzit me ngjyrë, edhe ata të bardhë, kishte udhëhequr fushata dhe marshime të shumta kundër aparteidit në hapat e Shën Xhorxhit.

Vajtuesit vendosën lule për nder të Tutu-s jashtë asaj që është bërë e njohur si "Katedralja e Popullit" dhe është një simbol i fuqishëm i demokracisë, ku një imazh bardh e zi i Tutu ishte ngjitur mbi një gardh.

"Kryepeshkopi i Cape Toën, Thabo Makgoba, u kërkon të gjithë atyre që dëgjojnë këmbanat të ndalojnë për një moment në nderim të Kryepeshkopit Tutu," thuhej në një deklaratë nga Fondacioni i Trashëgimisë Kulturore Desmond@Leah Tutu.