Udhëtimet e Krishtlindjeve do të rrisin përhapjen e variantit Omicron Covid-19 edhe në mesin e të vaksinuarve plotësisht, tha eksperti kryesor i sëmundjeve infektive në SHBA.

"Nuk ka dyshim për këtë, [Omicron] ka një aftësi të jashtëzakonshme për t'u përhapur," tha Dr Anthony Fauci për programin Meet the Press të NBC të dielën.

Dr Fauci, i cili këshillon qeverinë amerikane për pandeminë, tha se varianti tani ishte "duke u tërbuar nëpër botë".

Vendet po shtrëngojnë masat ndërsa varianti me mutacion të madh përhapet.

Në Evropë, Franca dhe Gjermania janë ndër ato që shpallën kufizime të udhëtimit dhe Holanda ka vendosur një bllokim të rreptë gjatë Krishtlindjeve.

Qeveritë po shtojnë gjithashtu programet e tyre të vaksinimit përforcues ndaj Covid pasi studiuesit thanë se vaksina shtesë mund të sigurojë rreth 85% mbrojtje kundër sëmundjeve të rënda.

Të dielën, Dr Fauci tha se përhapja e shpejtë e Omicron në SHBA mund të ketë një ndikim serioz në shërbimet shëndetësore në të gjithë vendin.

"Spitalet tona, nëse gjërat duken sikur po duken tani, do të jenë shumë të sforcuar," paralajmëroi ai.

Dr Fauci tha që njerëzit duhet të merrnin masa paraprake si mbajtja e maskave për fytyrën dhe distancimi social. Ai gjithashtu u bëri thirrje amerikanëve që të bëjnë vaksinën dhe dozën e tyre përforcuese.

"Dallimi midis një personi të vaksinuar dhe të përforcuar që ka një infeksion, dhe dikujt që ka një infeksion e që nuk është vaksinuar kurrë - është një ndryshim i madh në lidhje me rrezikun e ashpërsisë," tha ai.

Në një konferencë shtypi në Shtëpinë e Bardhë të Premten, Dr Fauci tha se njerëzit e pavaksinuar ishin në një rrezik shumë më të lartë të infeksionit serioz dhe shtrimit në spital.

Dr Fauci i dha paralajmërimet pasi dy senatorë amerikanë, demokratja Elizabeth Ëarren, 72 vjeçe dhe Cory Booker, 52 vjeç, thanë se kishin rezultuar pozitivë për virusin.