Icehotel në Suedi është padyshim një nga hotelet më të ftohtë në botë, dhe së fundmi u prezantua një apartament i ri.

Është projektuar nga Princi Carl Philip Bernadotte dhe partneri i tij i biznesit Oscar Kylberg. 

Apartamenti quhet "Ëndrra e natës së verës" dhe përmban elementë lulesh dhe bimë të tjera.

Ky hotel ndodhet në Jukasjärvi.

Bernadotte dhe Kylberg thanë se qëllimi i tyre ishte të shfaqnin festimin e solsticit veror, një nga festat më të famshme të Suedisë.

"A ka një mënyrë më të mirë për të treguar bukurinë e akullit sesa kur lulet më të bukura përshtaten në mjedisin e Arktikut? Natyra skandinave që na rrethon luan një rol të madh në kulturën tonë," thanë ata.

Icehotel u hap nga Yngve Bergqvist në 1989 dhe që atëherë ai është ndërtuar dhe rinovuar çdo dimër. 

Pesë vite më parë u hap Icehotel 365, një vend i përhershëm brenda hotelit i pajisur me teknologjinë e ftohjes me energji diellore. 

Është e hapur gjatë gjithë vitit, ka një bar, një galeri arti dhe disa apartamente.

Sipas të dhënave nga faqja zyrtare, temperatura brenda hotelit varion nga -5 deri në -7 gradë Celsius. 

Mysafirët marrin thasë gjumi dhe duhet të ndjekin një kurs mbijetese për t'u përshtatur me këtë mjedis të akullt.