Pas rreth dhjetë ditësh përgjumjeje, sot herët në mëngjes, retë e bardha dhe gri të dendura plot hi u formuan mbi Semeru, njoftoi Qendra Indoneziane për Vullkanologjinë dhe Rreziqet Gjeologjike (PVMBG).

 Vullkani Semeru në ishullin indonezian Java shpërtheu sërish sot. Për këtë arsye autoritetet paralajmëruan banorët që të qëndrojnë sa më larg shpërthimit.

Vullkani hodhi hirin dy kilometra të lartë.

Në fillim të këtij muaji, shpërthimi i  Semeru, mali më i lartë i Java-s, nxori retë e hirit dhe rrjedhat piroklastike që vranë të paktën 46 njerëz.

Disa persona figurojnë ende të zhdukur, ndërsa mijëra u zhvendosën.

Agjencia paralajmëroi banorët afër që të mos kryejnë asnjë aktivitet brenda një rrezeje prej pesë km nga qendra e shpërthimit dhe të mbajnë një distancë prej 500 metrash nga brigjet e lumenjve për shkak të rreziqeve të rrjedhjes së llavës.

Me 142 vullkane, Indonezia ka popullsinë më të madhe në botë që jeton në një distancë të afërt me një vullkan, duke përfshirë 8.6 milionë brenda 10 km.