Dr. Garry Nolan , një profesor i patologjisë në Universitetin e Stanfordit, i cili ka botuar më shumë se 300 artikuj kërkimor dhe ka 40 patenta amerikane, ka kaluar dekadën e fundit duke analizuar materiale nga Fenomeni Ajror i dyshuar i Paidentifikuar (UAP).

Duke folur për  Vice's Motherboard , Nolan foli për punën e tij dhe zbuloi se çfarë e ndezi interesin e tij për UAP.

Profesori tha se ai u interesua edhe më shumë kur kontaktoi një burrë të quajtur Steven Greer, i cili pretendoi se një skelet i vogël që ai kishte parë, ishte një alien.

Më në fund u zbulua se skeleti i përkiste një njeriu pasi kishte “një seri mutacionesh në gjenet skeletore,” shpjegoi Nolan. Nolan ekzaminoi rreth 100 pacientë, kryesisht “personel qeveritar ose ushtarak ose njerëz që kishin punuar në industrinë e hapësirës ajrore”, tha Nolan.

“Ju keni shumë pacientë, disa prej të cilëve dëgjonin zhurma të çuditshme, të tjerët ishin të sëmurë etj.”, tha Nolan.

Ekipi i tij, doli në përfundim se njerëzit, të cilët fillimisht mendonin se ishin pësuar lëndime, kishin një “hiperlidhje neuronesh në trurin e tyre”. Nolan tha se rreth një e katërta e pacientëve që kryen skanim MRI dhe pretenduan se kishin takuar UFO-t, humbën jetën.

Shumica prej tyre kishin simptoma të njëjta me sindromën e Havanës.

RAPORTI i NASA-s

Ndërkohë, një  raport mahnitës i NASA-s  thotë se organizata nuk është "e mbyllur" ndaj mundësisë së ekzistencës së jetës jashtëtokësore.

Ndërsa raporti thoshte se nuk kishte gjetur ende "asnjë provë të besueshme", ai zbuloi se misionet shkencore të NASA-s "po punonin së bashku me një qëllim për të gjetur shenja të pagabueshme të jetës përtej Tokës".

Raporti vjen pasi Kongresi Amerikan ka miratuar një projekt-ligj të rëndësishëm të mbrojtjes për të ngritur një zyrë të re të UFO-ve që do të hetojë takimet e çuditshme me anijen misterioze.

Njësia e re e stilit X-Files do të kryejë hetime në terren ndaj UFO-ve, do të hetojë çdo "kërcënim" të paraqitur nga anija dhe do të mbikëqyrë çdo përpjekje për t'i "kapur" ato.

Dhe agjencia hapësinore e Kinës ka gjetur një kasolle të vogël në Hënë dhe e quajti atë një "shtëpi misterioze" pasi zbuloi kubin në anën e largët të sipërfaqes hënore./The Sun