Britanikja Peggy MacSween i është kthyer një unazë martese që e humbi 50 vjet më parë në tokën kur punonte patatet.

“Ishte pak emocionuese”, tha Donald MacPhee, duke folur për mënyrën sesi gjeti dhe ktheu unazën.

MacSween, tani 86 vjeçe, beson se unaza i ra nga gishti teksa mblidhte patatet. 

Pasi MacPhee, i cili di të përdorë një detektor për objektet metalike, kur zbuloi në bisedën e një fqinji me MacSween se unaza kishte humbur, ai shkoi në kërkim të saj.

Ai kaloi tre ditë duke e kërkuar atë në një zonë por kërkimi ishte i vështirë.

"Kërkoja tre ditë dhe hapa 90 gropa. Vështirësia ishte se aty ishin varrosur një numër i madh unazash. Në ditën e tretë të kërkimit e gjeta. Isha krejtësisht i shtangur. Kërkova një sipërfaqe prej 5000 metrash katrorë. Mundësia ishte një në 100,000 që ta gjeja dhe e gjeta. Teknologjia më ndihmoi, por unë isha thjesht me fat, "tha MacPhee.

Ai ia çoi menjëherë unazën pronarit të saj. Sipas tij, ai ishte në gjendje të papërlyer.

"Ajo e vuri atë në gishtin e saj dhe i përshtatej asaj në mënyrë të përkryer," shton ai.

MacSween ishte e bindur se nuk do ta gjente kurrë.

"Ai doli para derës dhe tha: "Kam diçka për t'ju treguar". Ishte një unazë. Nuk mund ta besoja, por ndodhi. Mendova se nuk do ta shihja më", tha ajo.

Bashkëshorti i saj Gjoni, me të cilin ishte e martuar që nga korriku i vitit 1958, ndërroi jetë pak vite më parë. 

Në një udhëtim, ai i dha asaj një unazë tjetër, shkruan Guardian.