Prokurori amerikan Thomas Binger, ndodhet në qendër të vëmendjes së publikut, për shkak të veprimit të tij të paprecedentë për të marrë armën duke ia drejtuar jurisë.
Prokurori Binger e bëri këtë veprim për të sqaruar rrjedhën e ngjarjes së rëndë gjatë seancës së 18 vjeçarit Kyle Rittenhouse, i cili akuzohet për vrasjen e dy personave gjatë një proteste në vitin 2020 dhe plagosi një të tretë.
Vendimi për Rittenhouse pritet të jepet sot dhe qyteti i Kenoshas, në Uiskonsin, është në gjendje alerti për shkak se cilido qoftë ai, pritet të ketë protesta nga palët.
Pamjet e prokurorit me armë në dorë, drejtuar jurisë u komentuan si shkelje e rregullit numër 1 për sigurinë e armëve, sipas të cilit arma nuk i drejtohet askujt dhe asgjëje, qoftë e mbushur apo jo.
Adoleshenti mund të dënohet me burgim të përjetshëm nëse shpallet fajtor, ndërsa pala mbrojtëse pretendon se qëlloi për të mbrojtur veten pasi po sulmohej.
© SYRI.net