COVID-19 ka çuar në një "rindezje" të antisemitizmit në të gjithë Evropën pasi teoritë e konspiracionit që qarkullojnë në internet fajësojnë hebrenjtë për pandeminë, paralajmëroi të martën një mbikëqyrës evropian i të drejtave të njeriut.

Agjencia Evropiane për të Drejtat Themelore, e cila mbledh të dhëna nga grupet e shoqërisë civile në të gjithë kontinentin, paralajmëroi se Gjermania dhe Franca kishin parë rritjet më të mëdha. Gjermania regjistroi 2,351 “incidente” antisemitike vitin e kaluar kurse Franca 339.

Agjencia paralajmëroi se në vendet e tjera mungesa e të dhënave mund të maskonte rritjet e rasteve.

Në Poloni dhe Hungari, për shembull, të dhënat nuk mblidhen dhe Spanja regjistroi vetëm tre incidente.

“Antisemitizmi është një problem serioz, por pa të dhëna, ne nuk e dimë se sa serioz është”, tha agjencia në një deklaratë, duke u bërë thirrje vendeve evropiane që të “rrisin përpjekjet e tyre”.

"Kështu do të jemi në gjendje të luftojmë më mirë kundër urrejtjes dhe paragjykimeve."