Vrasja aksidentale e kineastes Halyna Hutchins nga Alec Baldwin është në rend të ditës.

Është shkruar gjatë në lidhje me këtë çështje por së fundmi Prokurorja e Qarkut Santa Fe, Mary Carmack-Altwies ka treguar se nuk janë përjashtuar akuzat penale, duke thënë për The New York Times se arma e zjarrit e përdorur në incident ishte një "armë e ligjshme" dhe "armë e përshtatshme e epokës antike".

 Prokurorja shtoi se një 'sasi e madhe plumbash' ishin gjetur në set dhe se një hetim ishte i nevojshëm për natyrën e atij municioni.

Sipas urdhrit  të ekzekutuar nga zyra e Sherifit të Qarkut Santa Fe javën e kaluar, Guttierez-Reed ishte personi i fundit që përdori armën, duke e lënë atë së bashku me dy revolverët e tjerë të pambikëqyrur në karrocë në orët e para të 21 tetorit. 

Pikërisht në këtë moment, zbulon Insajder një grup anëtarësh të stafit morën armët pa dijeninë e drejtorit dhe harruan t'i largojnë plumbat nga arma në fjalë.  

Përfaqësuesit për prodhimin e Rust nuk iu përgjigjën menjëherë kërkesës së DailyMail.com për koment mbi këtë çështje, por në një deklaratë të mëparshme të lëshuar për media të shumta, Rust Movie Productions tha:

"Siguria e kastit dhe ekuipazhit tonë është përparësia kryesore e Rust. Megjithëse nuk jemi vënë në dijeni për ndonjë ankesë zyrtare në lidhje me sigurinë e armëve në set, ne do të kryejmë një rishikim të brendshëm të procedurave tona derisa prodhimi të jetë mbyllur. Ne do të vazhdojmë të bashkëpunojmë me autoritetet e Santa Fe në hetimin e tyre dhe të ofrojmë shërbime të shëndetit mendor për aktorët dhe ekipin gjatë kësaj kohe tragjike."