Astronomët kanë gjetur indikatorin e atij që mund mund të jetë planeti i parë që do të zbulohet ndonjëherë jashtë galaktikës sonë.

Gati 5,000 "ekzoplanetë" - botë që rrotullohen rreth yjeve përtej Diellit tonë - janë gjetur deri më tani, por të gjithë ato janë vendosur brenda galaktikës Rruga e Qumështit.

Sinjali i mundshëm i planetit të zbuluar nga teleskopi me rreze X “Chandra” i NASA-s është në galaktikën Messier 51. Kjo është e vendosur rreth 28 milionë vite dritë larg nga Rruga e Qumështit.

Ky rezultat i ri bazohet mbi tranzitit, ku kalimi i një planeti përpara një ylli bllokon një pjesë të dritës së yllit dhe jep një rënie karakteristike të shkëlqimit që mund të zbulohet nga teleskopët. Kjo teknikë e përgjithshme tashmë është përdorur për të gjetur mijëra ekzoplanete.

Dr. Rosanne Di Stefano dhe kolegët kërkuan rënie në shkëlqimin e rrezeve X të marra nga një lloj objekti i njohur si një binar i ndritshëm me rreze X.

Këto objekte zakonisht përmbajnë një yll neutron ose vrimë të zezë, që tërheq gaz nga një yll shoqërues që rrotullohet afër.

Materiali pranë yllit neutron ose vrimës së zezë mbinxehet dhe shkëlqen në gjatësi vale të rrezeve X.

Për shkak se rajoni që prodhon rreze X të ndritshme është i vogël, një planet që kalon përpara tij mund të bllokojë shumicën ose të gjitha rrezet X, duke e bërë kalimin më të lehtë për t'u dalluar.

Anëtarët e ekipit përdorën këtë teknikë për të zbuluar ekzoplanetin kandidat në një sistem binar të quajtur M51-ULS-1.

"Metoda që ne zhvilluam dhe përdorëm është e vetmja metodë aktualisht e zbatueshme për të zbuluar sisteme planetare në galaktika të tjera," tha Dr. Di Stefano nga Qendra Harvard-Smithsonian për Astrofizikën në Kembrixh, SHBA, për agjencinë e lajmeve BBC.

"Është një metodë unike, e përshtatshme unike për gjetjen e planetëve rreth binarëve me rreze X në çdo distancë nga e cila mund të matim një kurbë drite."