Ambasada e Kinës në Uashington reagoi ndaj një pakti të ri të sigurisë të shpallur nga Shtetet e Bashkuara, Britania dhe Australia të mërkurën duke thënë se vendet duhet "të heqin dorë nga mendësia dhe paragjykimet ideologjike të Luftës së Ftohtë".
Shtetet e Bashkuara, Britania dhe Australia thanë të mërkurën se do të krijojnë një partneritet sigurie për Indo-Paqësorin që do të përfshijë ndihmën e Australisë për të blerë nëndetëse me energji bërthamore, në një kohë që ndikimi kinez mbi rajonin rritet.
I pyetur për koment, zëdhënësi i ambasadës kineze Liu Pengyu tha se vendet “nuk duhet të ndërtojnë blloqe përjashtuese që synojnë ose dëmtojnë interesat e palëve të treta. Në veçanti, ata duhet të heqin qafe mentalitetin dhe paragjykimet ideologjike të Luftës së Ftohtë. ”
© SYRI.net