Zonja e parë e atëhershme e SHBA-së, Melania Trump nuk pranoi të bënte thirrje për paqe dhe kundër dhunës kur të rebeluarit sulmuan ndërtesën e Kapitolit më 6 janar, thanë dy burime për CNN.

Burimet i thanë CNN se ndihmësja e Trump, Stephanie Grisham, i dërgoi asaj një tekst ku thuhej: "A doni të postoni në Twitter se protestat paqësore janë e drejta e çdo amerikani, por nuk ka vend për paligjshmëri dhe dhunë?", mesazh të cilit Trump iu përgjigj me vetëm një fjalë: "Jo".

Grisham jep detaje në librin e saj që pritet me titull "I’ll take your questions now’, sipas disa fragmenteve të botuara në "Politico" të hënën.

CNN raportoi në janar se Trump ishte në Shtëpinë e Bardhë gjatë kryengritjes, duke mbikëqyrur një fotosesion të një qilimi që kishte instaluar. Në asnjë moment më 6 janar Trump nuk e ndërpreu xhirimin e fotografive, as nuk foli publikisht në ndonjë formë për shkatërrimet që po kryheshin nga mbështetësit e bashkëshortit të saj, Presidentit Donald Trump, dy kilometra larg në Capitol Hill, edhe pse barrikadat ishin përmbysur dhe sulmuesit hynë në ndërtesën e Kapitolit.

Vetëm 11 janar, pesë ditë pas kryengritjes, Trump e dënoi pjesërisht dhunën.

Trump lëshoi ​​një deklaratë të hënën në lidhje me Grisham në “Politico” duke thënë: "Qëllimi pas këtij libri është i qartë. Është një përpjekje për të justifikuar veten pas një performance të dobët si sekretare e shtypit, pas marrëdhënieve personale të dështuara dhe sjelljeve joprofesionale në Shtëpinë e Bardhë. Përmes së keqes dhe tradhtisë, ajo kërkon të fitojë rëndësi dhe para në kurriz të zonjës Trump ".

Grisham ishte një e zgjedhur besnike e Trump për më shumë se pesë vjet, duke shërbyer shkurtimisht si sekretare shtypi e Shtëpisë së Bardhë para se të kthehej në Krahun Lindor si shefe e stafit të Melania Trump për vitin e fundit të administratës.