Nëna e një marinsi që vdiq në sulmin vetëvrasës në Aeroportin e Kabulit në fund të muajit gusht ka ftuar Donald Trump në funeralin e djalit, pasi ish -presidenti iu përgjigj sulmit të saj viral të mediave sociale, ndaj Presidentit Joe Biden.

Shana Chappell, nëna e marisnit Marine Lance Cpl. Kareem M. Nikoui i kërkoi Trumpit të merrte pjesë në varrimin i cili do të zhvillohej në ‘Harvest Christian Felloëship’ në Riverside, Kalifornia, më 18 shtator.

Chappell fitoi vëmendjen kombëtare pasi ajo nisi një sulm të ashpër ndaj presidenti Joe Biden pas bombardimit vetëvrasës nga grupi militant i Shtetit Islamik (ISIS-K), i cili vrau djalin e saj dhe 12 anëtarë të tjerë të shërbimit ushtarak amerikan, duke akuzuar presidentin se kishte ‘gjak në duart e tij ‘mbi sulmin.

‘Nëse presidenti im Trump do të ishte në postin e tij të ligjshëm, djali im dhe heronjtë e tjerë do të ishin ende gjallë !!!!’, shkroi Chappell në një postim të 30 gushtit i cili që atëherë është ndarë më shumë se 16,000 herë.

Një ditë pasi komenti në Facebook u bë viral, Trump lëshoi një deklaratë duke thënë se kritika e Chappell ishte ‘100% e saktë’.

Ai shtoi: ‘Nëse do të isha President, djali juaj i mrekullueshëm dhe i bukur Kareem do të ishte me ju tani, dhe kështu do të ishin bijtë dhe vajzat e të tjerëve, përfshirë të gjithë ata që vdiqën në sulmin e egër të aeroportit të Kabulit’.